मंगळवेढा (प्रतिनिधी)पंढरपूर मंगळवेढा विधानसभा मतदारसंघांमध्ये अपक्ष उमेदवार व दामाजी सहकारी साखर कारखान्याचे चेअरमन समाधान आवताडे यांच्या विकासात्मक प्रचारामध्ये त्यांची पत्नी अंजली अवताडे व संजय आवताडे यांच्या पत्नी सुकेशनी आवताडे व त्यांच्या सहकारी महिलांनी पंढरपूर तालुक्यातील 22 गावे व शहरांमध्ये जोरदार प्रचार यंत्रणा राबविली असून मतदारांच्या घरोघरी जाऊन समाधान आवताडे यांचे पुढील पाच वर्षाच्या विकासाचे व्हिजन सांगून त्यांना मतदान करण्याचे आवाहन करीत आहेत.
यावेळी या महिलांकडून मतदारांना आतापर्यंत समाधान आवताडे यांनी सामान्य लोकांसाठी केलेले कार्य केलेली मदत याची माहिती पटवून देत आहेत तर पुढील पाच वर्षात मतदारसंघांमध्ये काय विकास करणार?तरुणांच्या हाताला काम देण्यासाठी त्यांचे काय व्हिजन आहे याची माहिती देत मतदान करण्याचे आवाहन करीत आहेत या महिलांच्या प्रचाररॅलीला पंढरपूरमध्ये चांगला प्रतिसाद मिळत आहे .
