मंगळवेढा:-
संघर्षयोध्दा मनोजदादा जरांगे पाटील यांना जीवे मारण्याचा कट रचणाऱ्यांवर कठोर कारवाई करण्यात यावी अशा आशयाचे मागणी करणारे निवेदन मंगळवेढा सकल मराठा समाजाच्या वतीने पोलीस निरीक्षक दत्तात्रय बोरीगिद्दे यांना देण्यात आले.
या निवेदनात म्हटले आहे की मराठा संघर्षयोध्दा मनोजदादा जरांगे पाटील हे मराठा समाजाच्या न्याय हक्कासाठी सातत्याने लढा देत असुन त्यांच्या नेतृत्वामुळे राज्यभरात मोठ्या प्रमाणात जनजागृती झाली आहे.
परंतु काही असामाजिक प्रवृत्तीकडुन त्यांच्या जिवीतास धोका निर्माण करण्याचा प्रयत्न केला जात असल्याच्या बातम्या प्रसारमाध्यमांमधुन समोर येत आहेत. मनोज दादा जरांगे पाटील यांच्या सुरक्षेचा प्रश्न अत्यंत संवेदनशील स्वरूपाचा असुन जनतेमध्ये या विषयी तीव्र चिंता व्यक्त केली जात आहे.
त्यामुळे आपणांस विनंती आहे की, या प्रकरणाची सखोल चौकशी व जीवे मारण्याचा कट रचणाऱ्या आरोपीं विरूध्द कठोर कायदेशीर कारवाई करण्यात यावी.
तसेच, मनोज दादा जरांगे पाटील यांच्या सुरक्षेचे गांभीर्य लक्षात घेऊन आवश्यक असलेली शासकीय सुरक्षा तात्काळ पुरविण्यात यावी अशी मागणीही या निवेदनात करण्यात आली आहे.यावेळी मंगळवेढा तालुक्यातील सकल मराठा समाजाचे बांधव उपस्थित होते.
