मंगळवेढा:-
मंगळवेढ्यात प्रथमच युवाउद्योजक यश महादेव दत्तू यांनी सुरु केलेल्या खवय्यांसाठी अतिशय स्वादिष्ट असलेली चौंडेश्वरी रबडी हाऊसचा शुभारंभ राजमाता बँकेचे चेअरमन डॉ.अशोक सुरवसे,सोमनाथ आवताडे यांच्या हस्ते व अजित जगताप,डॉ.प्रणिता भालके,सिद्धेश्वर आवताडे,प्रा.येताळा भगत,प्रकाश वनगे भारत नागणे,राजेंद्र सुरवसे,रामचंद्र दत्तू,ॲड. कुमुदिनी घुले,अमोल पवार,चौंडेश्वरी उद्योग समूहाचे अध्यक्ष भाऊसो साखरे,पवन साखरे महादेव दत्तू यांच्या उपस्थितीत करण्यात आला.
सुरवातीस महादेव दत्तू व यश दत्तू यांनी सर्व मान्यवरांचे स्वागत केले यावेळी डॉ.सुरवसे म्हणाले की चौंडेश्वरी रबडीचा स्वाद मंगळवेढेकरांच्या जिभेवरती कायम रेंगाळत राहील विश्वासाचं नातं जपत आपुलकीची चव देत दत्तू यांनी सुरु केलेल्या चौंडेश्वरी रबडी हाऊसचा नावलौकिक निश्चितपणे वाढत जाईल असे सांगून शुभेच्छा दिल्या.
तसेच सोमनाथ आवताडे अजित जगताप डॉ.प्रणिता भालके यांनीही मनोगत व्यक्त करून शुभेच्छा दिल्या. इचलकरंजीची सुप्रसिद्ध असलेली चौंडेश्वरी रबडी हाऊसची २६ वी शाखा असुन सोलापूर जिल्यातील पहिली शाखा सुरु झाली असुन रबडी हाऊसमुळे स्पेशल रबडी,रोलकट,कुल्फी,बदामशेक व अन्य विविध पदार्थांची चव चाखता येणार आहे.
शुभारंभ प्रसंगी विविध क्षेत्रातील सर्व नागरिक,शिवप्रतिष्ठान,कल्पतरू,वारी परिवारातील सर्व सदस्य,नातेवाईक उपस्थित होते.भारत मुढे यांनी कार्यक्रमाचे सूत्रसंचालन करून आभार मानले.
