पुढे बोलताना प्रा.येताळा भगत म्हणाले, आमदार नसताना समाधान आवताडे यांनी अनेक कामे केलेली आहेत. अनेकांचे संसार उभे करुन त्यांचे अर्थकारण मजबूत केले आहे. मतदारांनी यावेळी समाधान आवताडे यांना संधी दिल्यास या मतदारसंघाचा चेहरा मोहरा बदलणार हे मी छातीठोकपणे सांगतो.पदव्यांचे भेंडोळेच्या भेंडोळे घेवून बेरोजगारांचे लोंढे शिकून बाहेर पडत आहेत. या युवकांना रोजगाराच्या संधी नाहीत. आजपर्यंत लोकप्रतिनिधींनी रोजगार निर्मीतीचे काम केले नाही. समाधान आवताडे यांनी पंढरपूर येथे नोकरी महोत्सव घेवून १८०० तरुणांना नोक-या मिळवून देवून त्यांना आर्थिक स्थैर्य दिले. अपंगांना कृत्रीम हात-पाय देवून त्यांना मदतीचा हात देवून समाजामध्ये ताठ मानेने उभे केले. शेतक-यांचे मंदिर असणाऱ्या दामाजी साखर कारखान्याचे पावित्र्य जपण्याचे काम संचालक मंडळ करीत आहे. कारखान्याच्या निवडणुकीत दिलेली आश्वासनपूर्तीव्दारे ते पूर्ण करत आहेत. जिल्हा परिषद, पंचायत समितीच्या माध्यमातून जिल्हयात सर्वात जास्त निधी खेचून आणून योजना सर्वसामान्यांपर्यंत पोहचविल्या आहेत. एवढी कामे करुनही कामाचा कधी गाजावाजा केला नाही. मात्र कांही मंडळी न केलेल्या कामांचा गाजावाजा करण्यात पटाईत आहेत. पंढरपूर तसेच मंगळवेढा तालुक्यातील प्रत्येक गावचा मी दौरा केला आहे. लोकांचा समाधान आवताडे यांना उस्फूर्तपणे पाठिंबा मिळत आहे तर लोकप्रतिनिधीबध्दल प्रचंड चिड, राग व्यक्त होत आहे. या मतदारसंघात परिवर्तन अटळ आहे हे चांगले समजले आहे. एक तरुण, तडफदार, विकासाचं नवं मॉडेल आणू पहाणारं नेतृत्व आपल्याला लाभले आहे, यासाठीच यावेळी समाधान आवताडे यांना संधी देण्याचे आवाहन प्रा.येताळा भगत यांनी केले.
