मंगळवेढा: जवाहरलाल प्रशालेमध्ये मतदान जनजागृतीनिमित्त विविध कार्यक्रमांचे आयोजन करण्यात आले होते. यामध्ये मतदान करण्याविषयी प्रतिज्ञा, तंबाखू विरोधी शपथ, निबंध स्पर्धा व रांगोळी स्पर्धा घेण्यात आल्या. यामध्ये विद्यार्थ्यांनी उत्स्फूर्त प्रतिसाद नोंदवला. मतदान प्रतिज्ञेचे वाचन हरी कोंडूभैरी यांनी केले, तर स्वच्छता व तंबाखूविरोधी शपथ मिलिंद कुलकर्णी यांनी विद्यार्थ्याकडून घेतली. सुंदर रांगोळीच्या माध्यमातून विद्यार्थ्यांनी शंभर टक्के मतदान करण्याचा संदेश दिला. रांगोळी स्पर्धेसाठी शैलजा माने यांनी मार्गदर्शन केले. रांगोळी स्पर्धेत धनश्री आप्पासाहेब खुळे हिने प्रथम, ऋषिकेश शशिकांत चव्हाण याने द्वितीय तर पुनम संतोष दवले हिने तृतीय क्रमांक पटकावला. कार्यक्रमासाठी प्रशालेचे मुख्याध्यापक शंकर आवताडे यांनी मार्गदर्शन केले. कार्यक्रम यशस्वी करण्यासाठी सिद्धेश्वर अवघडे ,संभाजी सलगर, संतोष दुधाळ, नितीन मोरे, शिवकुमार स्वामी, शहाजी ढोबळे, सुनंदा काशीद, सुनंदा देशमाने आदींनी परिश्रम घेतले.
