या घटनेची हकिकत अशी की, शिरसी येथे मन्ना नावाचा जुगार अड्डा चालत असल्याची गोपनीय माहिती पोलिस अधिक्षक मनोज पाटील यांना प्राप्त झाल्यानंतर त्यांच्या मार्गदर्शनाखाली विशेष पथकाने दि. २० रोजी सायंकाळच्या दरम्यान विशेष पथकाने छापा टाकला असता यामध्ये मुकुंद भिमराव सरगर (वय ४१, पंढरपूर), प्रविण सिध्देश्वर नागणे (वय ३८, मंगळवेढा), नवनाथ कुबेर मेटकरी (वय ४०, बठाण), धर्मराज कोंडीबा बाबर (वय ३६, मानेगाव), आनंद ज्ञानू ताड (वय ४१, रा.मुंबई), विनोद अंबादास शिंदे (वय ३०, लक्ष्मीदहिवडी), प्रविण ईश्वर चव्हाण (वय ३०, रा.पंढरपूर), सचिन नामदेव चव्हाण (वय ३३, मंगळवेढा), विकास बाबासाहेब बेदरे (वय४४, बठाण), भिमराव नामदेव मुदगूल (वय ३५, रा.मंगळवेढा), बंडू सरकळे (वय २६, रा.मंगळवेढा), सुरेश जयवंत कट्टे-पाटील (वय ५१, मंगळवेढा), सूर्यकांत नारायण घंटी (वय १९, रा.पंढरपूर), नितीन दामोदर इंगळे (वय ३५, रा.मंगळवेढा), प्रविण नारायण लेंडवे (वय ३०, रा.पाटखळ), संदेश नागेश लोखंडे (वय २२, भीमनगर, मंगळवेढा) आदीजण ५२ पानावर मन्ना नावाचा जुगार खेळत असल्याचे पोलिसांच्या निदर्शनास आले. पोलिसांनी या छाप्यात १६ जणांना ताब्यात घेऊन त्यांच्याकडील १० मोबाईल,एक डिलक्स हिरो कंपनीची मोटर सायकल, दोन चारचाकी गाड्या असा एकूण २६ लाख २१ हजार ३७० रुपयांचा मुद्देमाल जप्त केला आहे..
